Hörmətli cənab Prezident İlham Əliyev!

Azərbaycan Avropa Yəhudiləri İcması adından Sizi doğum gününüz münasibətilə səmimi-qəlbdən təbrik edirik. Sizin liderliyiniz və inkişafla rifah prinsiplərinə sadiqliyiniz Vətənimizi daha da unikal və uğurlu edir.

Biz çoxmillətli və çoxmədəniyyətli Azərbaycanda yaşadığımız üçün qürur duyuruq. Burada müxtəlifliyin qəbul olunması və hörmətlə qarşılanması Sizin tolerantlıq siyasətiniz və bütün icmaların maraqlarına göstərdiyiniz diqqət sayəsində mümkün olmuşdur. Bu siyasət müxtəlif mədəniyyət və dinlərin dinc və qarşılıqlı hörmət şəraitində birgəyaşayışına əlverişli mühit yaradır.

Sizə möhkəm can sağlığı, tükənməz enerji və ölkəmizin rifahı naminə mühüm qərarların qəbulu üçün müdriklik arzulayırıq. Əminik ki, Sizin rəhbərliyiniz altında Azərbaycan daha da güclənəcək və uğurlarını artıraraq inkişaf yolunda inamla irəliləyəcək.

Ən xoş arzularla,
Sədr: A.Y. Şarovski
Sədr müavini: Y.A. Brenneyzen
İcmanın baş ravvini: Şneor Seqal